Nytt starf, nytt lif

Þessi vika var einstök, ég fór frá því að vinna sem "Electronic Publication Advisor" hjá Evrópsku einkaleyfastofunni (EPO) til "IT assistant" hjá Raiffeisen International.

Mánudaginn: Síðasti dagurinn minn hjá EPO, ég bakaði rice crispies kökur í tilefni dagsins og gaf nánustu vinnufélögum geisladisk með íslenskri tónlist. Vinnufélagarnir mínir gáfu mér blóm, kort og 120 evra virði í fataverslunni Zöru og kvöddu mig öll. Alls ekki slæmt að fá svona góðar viðtökur. Ég fór svo til Manpower þar sem ég skrifaði undir vinnusamninginn við Raiffeisen. í lok dagsins fór ég svo í andlitshreinsun hjá konunni sem málaði okkur í Casomai myndatökunni. Eyddi svo restinni af deginum með Lumi.

Þriðjudagur: Frídagur svo fékk að sofa út með Lumi. Venjulega vinn ég á daginn og Lumi á kvöldin svo ég sé hann aðallega um helgar svo æðislegt að fá frídag. Ég fór svo niður í bæ til að skrifa undir síðasta samning hjá Powerserv (vinnumiðlun mín v/EPO vinnu) og fór svo á hárgreiðslustofu þar sem hárið mitt var orðið frekar sítt. Ný vinna=nýtt útlit. Ég bað hárgreiðslukonuna um axlarsítt hár með styttum. Hún misskildi mig hinsvegar og klippti of mikið af mínu mati. Sjá mynd. Lenka vinkona mín kom svo um kvöldið og við fórum út að borða og horfðum á Grey´s Anatomy.



Miðvikudagur: fyrsti dagurinn í vinnunni, sem IT assistant hjá Raiffeisen International. Vinnan er stödd í miðbænum, tekur hálftíma fyrir mig að komast þangað með u-bahn og strassenbahn. Yfirmaður minn tók vel á móti mér og kynnti mér fyrir öllum. Mitt hlutverk er að vera aðstoðarmanneskja hans, eins annars deildarstjóra og svo fimm verkefnastjóra. Ég deili skrifstofu með yfirmanni minum a fyrstu hæð. Hann var meira að segja svo indæll að bjóða mer í mat. Kantínan er a 16.hæð í annarri Raiffeisen byggingu sem er á horninu frá okkar byggingu. Þar er frábært útsýni, getur séð yfir alla borgina. Mikil breyting frá EPO þar sem eru fáir í mat, þarna vinna mjög margir og fullt hús í mat. Eftir mat þurfti yfirmaður minn að fara á fund í aðalbyggingu Raiffeisen, svo ég fór með honum og ég talaði við eina aðstoðarmanneskju á meðan hann var á fundi. Lærði mjög mikið. Eftir vinnuna fór ég svo í Casomai, dansstudioið þar sem ég vinn og fór í jazz tíma, voða skemmtilegt, lærðum Thriller dansinn. Kenndi svo tveim pörum brúðavals, gekk rosa vel. Lenka hringdi svo í mig því henni vantaði samastað svo hún kom til mín, við horfðum á Grey´s Anatomy þar til við sofnuðum.

Fimmtudagur: Lenka keyrði mig í vinnuna, mun skemmtilegra en að taka almenningssamgöngur. Annar dagur í vinnunni, var komin með vinnusíma (blackberry) og aðgang að ýmsum skjölum í tölvunni svo gat unnið í ýmsum verkefnum og talað við nokkra verkefnastjóra. Fór svo í hádegismat með einni aðstoðarmanneskju, hún var mjög fín. Var mjög upptekin restina af deginum. Fór svo heim og hékk með Lumi. Yndislegt kvöld.

Föstudagur: Þriðji vinnudagur, var á fullu þar til annar yfirmaðurinn mér bauð mér og öðrum í hádegismat. Góður matur og gaman að kynnast fólkinu sem ég er að fara að vinna með. Talaði svo við verkefnastjóra til lok dagsins. Kenndi jazzballet i Casomai, um 5 manns komu, sem er mjög gott miðað við hve gott veður var úti. Komið algert vorveður, 15 gráður. Keypti svo Subway að borða og fór heim og horfði á sjónvarpið. Góður endi á góðri viku.