Veik í Vín

Er búin að vera veik heima.... ekki skemmtilegt. Það er þó skemmtilegt að hafa einhvern til að passa upp á sig.

Lumi er búin að sjá um það starf, gefa mér súpu og heita rétti, koma með mér í göngutúr (frískt loft) og leggja sig með mér. Voða huggulegt. Vinir mínir lögðu einnig sitt af mörkum, patricia og agniezska komu báðar í heimsókn með lyf og veittu mér félagsskap. Ligia gaf mér einnig lyf og þær eru allar búnar að hringja í mig reglulega til að sjá hvernig mér líði. Þvílíkt ljúfar.

Vienna Review kom út í sumar (var ég með eina grein, um Waldheim) og einnig núna í september (3 greinar: Live Earth, Ísland og svo um Lúkas dæmið heima).

Fyrsta skóladjammið, var haldið á Birdland. Hitti allar vinkonur mínar og skemmti mér konunglega með þeim. Myndin er frá þeim atburði.



Óli Helgi kíkir í heimsókn til mín frá 4-8.október og svo ætla lumi og ég að heimsækja fjölskyldu lumi í Kosovo frá 11.-14.október....hlakka mikið til!!!!!

Our Zimbardo Project

Kveðja frá Vín

Í tilefni þess að ég er loksins búin að taka upp úr ferðatöskunum ákvað ég að það væri komin tími til að ég bloggaði.

Eftir klukkustunda seinkun Icelandair þá kom ég seinna til Danmerkur en ætlað var. Það breytti þó litlu máli, bara minni bið. Ég fór svo í transfer center, fékk miðann minn og settist svo á hereford og fékk mér að borða. Ég hitti Gullu á leiðinni út svo ég náði að spjalla við hana í smá stund, svo notaði ég tímann og las bókina Svo fögur bein þar til ég komst í vélina. Ég var svo fegin þegar ég loksins lenti, fékk töskurnar og fór út. Alexandra beið þar eftir mér og skutlaði mér heim. Lumi var annars staðar en ég kom í íbúðina tandurhreina, ískápurinn fullur og blóm með skilaboðunum "velkomin heim ástin mín." Seinna kom lumi og það var æðislegt að sjá hann, enda næstum 3 mánuðir síðan ég sá hann. Við áttum 3 ára afmæli þann 12.ágúst.

Skólinn er byrjaður og er ég í þrem tímum, "Webcast Production", "Layout and Design" og "Newspaper Production". Margir framleiðslutímar svo mikil aukavinna. Svo er ég einnig að klára starfsþjálfunina með að skrifa 10 bls ritgerð um hvað ég gerði þar, auk þess að ég hef portfolio review í október. Svo nóg að gera.

Er búin að nota tækifærið og hitta vinina eftir að hafa ekki séð þær í sumar og skiptast á sögum. Hittumst í hádegismat á austurrískum stað, fórum að djamma á kaiko og svo var Webster partý, sem kom á óvart (var skemmtilegt). Er mjög ánægð hér í Vín.

Ný myndasíða:
http://www.flickr.com/photos/a_claessen
(undir sets)

Nýjasta verkefni mitt

Eg er með video "Save Darfur" og einnig tekið viðtal við mig í lokin.
Endilega segið mér hvað ykkur finnst um þetta :)