Ég dýrka Anastasiu (Íslensku útgáfuna)!!!!!

Shakira

“I´m on tonight… my hips don´t lie and I´m starting to feel you boy…”

Ó já, engin önnur en Shakira kom til Vínar til að halda tónleika í Stadthalle og ég var ekki sein með að kaupa miða á þennan stóra atburð. Ég hitti svo Öncu, rúmensku vinkonu mina og kærasta hennar og fór með þeim inn.

Shakira byrjaði um 10 leytið. Hún kom fyrst fram í v-laga gylltum toppi sem var nógu stuttur til að sýna magann á henni og í svörtum buxum. Hún tók svo upp bleika demanta gítarinn og seinna bláan og sýndi hversu góður tónlistarmaður hún er með að spila á þá. Hún tók einnig smá tíma á milli laga og talaði við áhorfendurnar, sagði okkur til dæmis hvernig hún samdi eitt af hennar spænsku lögum, þegar hún var á ströndinni og var að horfa á sjóinn. Sagði ýmsar sögur sem mér fannst ekki beint viðeigandi en þetta er Shakira, svo manni er nett sama.

Hún kom svo fram í v-laga elegant, rauðum löngum kjól með löngum ermum. Svo var það uppáhalds dressið mitt, týpískt latin dress. Toppur (eins og brjóstahaldari) með semalíusteinum á haldaranum plus hangandi niður, að neðan með gylltu belti og fjólubláu pilsi (svona Charleston lúkk, man ekki hvað þetta heitir, sjá myndir).

Lagalistinn
Estoy Aqui – byrjunarlag
Don´t Bother
Te Dejo Madrid
Illegal
hey You
Inevitable
Si Te Vas
La Tortura- mitt uppáhald
No
Whenever- Wherever
La Pared
Underneath your clothes
Pies Descalzos
Ciega Sordomuda

Extra:
Ojos Asi (“Eyes like yours)
Hips don´t lie

Það voru frekar mörg spænsk lög sem mér fannst svekkjandi þar sem ég gat ekki sungið með og ég var frekar fúl yfir að hún tók ekki Objection, sem ég fíla í botn. Annars voru La Tortura, Illegal, Don´t bother, Whenever, Wherever og Hips don´t lie uppáhaldin mín.

Mér fannst magnað þegar hún þurfti að skipta um föt var sýnt video af henni og dansfélaga hennar dansa modern dans, nett flott choreographað. Annars dansaði hún allan tímann magadans og hreyfði allan líkamann, ótrúlegt.

Hún kom eitt sinn nálægt áhorfendafjöldanum og ég og Anca forum nálægt til að sjá hana með berum augum, svona nálægt og taka myndir. Líka ótrúlega sætt, eina ástæðan fyrir að kærasti Öncu kom var því þau átt 5 og hálft ára afmæli og þeirra lag var “Underneath your clothes.” Þegar það kom þá knúsuðu þau hvort annað, horfðu í augu hvort annað og kysstust, ótrúlega sætt. Yndislegt par J

Í allt æðislegt show og tók ég heim til minningar Shakiru bol!!!!

Skemmtun á Þorrablóti

“Lóan er komin að kveða burt snjóinn”, því miður er engin lóa hér né snjór en þar sem vorið er komið þá hittust Íslendingarnir og héldu Þorrablót. Ég fór á mitt fyrsta þorrablót hér í fyrra og það var rosa gaman svo ég vildi síður missa af stuðinu í þetta sinn.

Ég mætti í USW salinn á Laudongasse hress og kát, borgaði gjaldkeranum15 evrur fyrir matinn og fann sæti við hliðina á Huldu. Það var boðið fólki velkomið, sungið smá og svo borðað. Hversu ánægð ég var að fá slátur, rúgbrauð, prins polo, flatköku með íslensku smjöri og annan gómsætan íslenskan mat. Íslenskt, já takk!

Við vorum til fjögur um nóttina að syngja íslenska söngva við gítarspil og bjór í hendi. Hitti meira að segja aðra verzlinga (bestu vini Hrafns litla, ótrúlegt hvað island er lítið). Íslendingar kunna sko að skemmta sér.

SHAKIRA tónleikar í kvöld

smá upphitun!!!!!!

beautiful liar

Drama

Tárin streyma niður. Ég get ekki stjórnað þeim. Ég reyni að líta undan en ég get ekki falið tárin. Þetta var óþarfi. Þetta þurfti ekki að gerast svona.

Það var búið að vera brja´lað að gera, ég var búin að vera á fullu að skrifa greinar fyrir Vienna Review og hitta vini og læra svo hafði lítið sofið. Vaknaði snemma þennan dag, fór í tíma, svo fullu að skrifa. Ég stoppaði svo við á nemendafélagsfundi en bjóst ekki við því sem var að koma. Eftir að hafa rætt atburði þá kom ein stelpa með athugasemd með myndirnar sem ég var að taka. Því ég hafði tekið mynd af vinkonu hennar að kyssa e-h gaur og það var e-h viðkvæmt og hún var fúl yfir að allur skólinn hafði séð það.

Svo kom önnur stelpa og var fúl yfir að ég setti nokkrar af myndunum fyrst á facebook. Þær byrjuðu að hækka róminn og um leið og árasin á mig kom þá stukku agnieska, patricia og licia mér til varnar. Þetta var eins og í réttarsal, fáranlegt en satt. Ég svaraði öllum ásökunum en var of þreytt andlega og eftir þetta brotnaði ég niður. Tárin streymdu og ég gat ekki stjórnað þeim.

Þetta var alger óþarfi því ef stelpurnar hefðu komið til mín þá hefði ég ekki tekið fleiri svona myndir, ekki sett þær á facebook og hætt að taka myndir af fólki að kyssast. Óþarfi að hafa svona leiðindi. Ekki fagmennska í nemendafélaginu. ég á betra skilið en þetta, þar sem ég hef mest gert í félaginu.

Drama, drama, drama!

Saltkjöt og baunir, túkall!

Bolludagur, Sprengidagur og svo auðvitað Öskudagur. Hér er hins vegar haldið upp á Faschnachtsmontag og Faschnachtsdienstag, svokallað karnival þar sem folk klæðist búningum og fær loksins að borða eins mikið og það getur. Ég hef heyrt tvær útgáfur, að þau hafa fastað frá jólum (sem sagt ekki borðað kjöt og fisk) og svo að þau fasti fram á páska. Ég veit ekki hvort er réttara.

Hulda ákvað hins vegar að halda upp á íslensku dagana. Ég og Jón vorum boðin ásamt herbergisfélögum hennar í saltkjötsveislu og í eftirétt var bolla hvorki meira né minna. Hulda hefði þó ekki getað haldið upp á þessa stóru veislu hefði mamma hennar ekki kíkt í heimsókn. Hreint út sagt ljúffengur matur, alltaf gott að fá svokallaðan mömmumat, aka heimalagaðan mat. Bolla! Bolla! Bolla!